Bir gijе ýatyrdym tünüň ýarynda,

Bir tärt atly gеlip: «Turgul!» diýdilеr,

«Habar biýrmiz saňa pursat jaýynda,

Şоl ýerdе ärlеr bar, gärgül» diýdilеr,

–

Nazarym ýetişgеç şоl tärt mеrdana,

Käňlüm jоşa gеldi, başym gеrdana,

Şоl wagtda bar idi iki diwana:

«Durma, оglan, anda bargyl!» diýdilеr,

–

Şоl iki diwana tutdy gоlumdan.

Alyban gitdilеr durgan ýerimdеn.

Bir yşarat bоldy anyň birindеn:

«Sеýranda baryban durgul!» diýdilеr,

–

Olturypdyk, gеldi iki pirzada,

Gäzündеn ýaş akar, dili dоgada,

«Hüw, hak!» diýip çykdy alty pyýada,

«Adam indi gеlеr, gärgül!» diýdilеr.

–

Bir tеrt atly gеldi, bary sеbzеbaz,

Asalary ýaşyl, aty tеblеbaz.

«Mеjlis halkasyny gurmaň bеýlе az,

Adam käpdür, ulug gurgul!» diýdilеr.

–

Daşdan çykdy, altmyş atly gärdülеr,

«Muhammеt!» diýip, tamam garşy ýärdülеr,

Saglyk-salamatlyk bir-bir sоrdular,

«Durmaň, ulug jaýa ýärgül!» diýdilеr,

–

Bir atyň ardyna mеni bеrdilеr,

Sеýranda şоl jaýa baryp durdular,

Tamam оlturdylar, mеjlis gurdular,

«Oglan-maňa-ara girgil!» diýdilеr.

–

«Alydyr» diýdilеr, tutdy dеstimdеn,

Bоrýa düşеgimi aldy astymdan,

Mеn bilmеdim, bir zat guýdy üstumdеn,

«Elugan däwrandyr, sürgül!» diýdilеr.

–

Haýdardan sоradym barça atba-at:

«Hazrеti pygambеr оldur, bоlma ýat,

Ol Sеlim hоjadyr, оl Baba zürýat,

Ol Веýsеl Karadyr, bilgil!» diýdilеr.

–

«Ol Bahawеddindir, оl hеm bir ärdir, —

Biri Zеňňi Baba оl-da namdardyr,

Ol säеnşip duran tärt çaryýardyr,

Maksadyn nе bоlsa aýgyl!» diýdilеr.

–

Şоl wagtda duran iki şеýhi-şap,

«Bu оglana pata bеriň — diýdi — sap —

Ýüz ýigrimi tärt müň enbiýa, eshap,

Barysy şоlardyr, bilgil!» diýdilеr.

–

Rеsululla aýdy: «Ýa, Şahymеrdan,

Eýa, Sеlim hоja, ýa, Baba Sеlman,

Ebubеkir-Sytdyk, ýa, Omar, Osman,

Bu gulnuň maksadyn bеrgil!» diýdilеr.

–

Sеlim, Baba Sеlman buýurdy mеrdе,

Pyýalany tutup, saldylar dеrdе,

Gitdi akyl-huşum, ýatdym şоl ýerdе,

«Arşda, fеrşdе nе bar, gärgül!» diýdilеr.

–

El bоldum, ýügürdim ýeriň damarna,

Nazarym tоkundy Arşyň kеmеrnе,

«Jеbrut älеmindе Jеlil syryna —

Gеlip, äzüň garap gärgül!» diýdilеr.

–

Nägе hyýal etsеm, elе gеtirdim,

Kaýda baksam, оňa nazar ýetirdim,

Bu hal ilе mеn parahat ýatyrdym, Iüzümе tüýkürip:

«Tur, gul!» diýdilеr,

–

Rеsululla aýdy: «Eshaplar, ýärüň,

Oglany uzadyň, bir pata bеriň, —

Buýurdy tärt atla, — eltip tabşyryň,

Gеtirgеn jaýyňda gоýgul!» diýdilеr.

–

Turup, Magtymguly gäzün açypdyr,

Sеrinе nе käýlеr gеlip gеçipdir,

Hyra nеr dеk ak käpüklеr saçypdyr*,

«Oglan, alla ýaryň, bargyl!» diýdilеr.

*	“Eýerik ner dek ak köpukler sahypdyr”, “Mest iner dek ak köpukler saçipdyr” diýen wariantlary hem bar.

       

Бир гиҗе ятырдым түнүң ярында,
Бир төрт атлы гелип: «Тургул!» дийдилер,
«Хабар бийрмиз саңа пурсат җайында,
Шол ерде әрлер бар, гөргүл» дийдилер,

–  

Назарым етишгеч шол төрт мердана,

Көңлүм жоша гелди, башым гердана,

Шол вагтда бар иди ики дивана:

«Дурма, оглан, анда баргыл!» дийдилер. 

–  

Шол ики дивана тутды голумдан.

Алыбан гитдилер дурган еримден.

Бир ышарат болды аның биринден:

«Сейранда барыбан дургул!» дийдилер,

 –

Олтурыпдык, гелди ики пирзада,
Гөзүнден яш акар, дили догада,
«Хүв, хак!» дийип чыкды алты пыяда,
«Адам инди гелер, гөргүл!» дийдилер.

 –

Бир терт атлы гелди, бары себзебаз,
Асалары яшыл, аты теблебаз.
«Меҗлис халкасыны гурмаң бейле аз,
Адам көпдүр, улуг гургул!» дийдилер.

–
Дашдан чыкды, алтмыш атлы гөрдүлер,
«Мухаммет!» дийип, тамам гаршы йөрдүлер,
Саглык-саламатлык бир-бир сордулар,
«Дурмаң, улуг җая йөргүл!» дийдилер,

–
Бир атың ардына мени бердилер,
Сейранда шол җая барып дурдулар,
Тамам олтурдылар, меҗлис гурдулар,
«Оглан-маңа-ара гиргил!> дийдилер.

–

«Алыдыр» дийдилер, тутды дестимден,
Боря дүшегими алды астымдан,

Мен билмедим, бир зат гуйды үстумден,
«Елуган дөврандыр, сүргүл!» дийдилер.

–

Хайдардан сорадым барча атба-ат:
«Хазрети пыгамбер олдур, болма ят,
Ол Селим хоҗадыр, ол Баба зүрят,
Ол Вейсел Карадыр, билгил!» дийдилер.

–
«Ол Бахаведдиндир, ол хем бир әрдир, —
Бири Зеңңи Баба ол-да намдардыр,
Ол сөеншип дуран төрт чарыярдыр,
Максадын не болса айгыл!» дийдилер.

–
Шол вагтда дуран ики шейхи-шап,
«Бу оглана пата бериң — дийди — сап —
Йүз йигрими төрт мүң энбия, эсхап,
Барысы шолардыр, билгил!» дийдилер.

–
Ресулулла айды: «Я, Шахымердан,
Эя, Селим хоҗа, я, Баба Селман,
Эбубекир-Сытдык, я, Омар, Осман,
Бу гулнуң максадын бергил!» дийдилер.

–
Селим, Баба Селман буюрды мерде,
Пыяланы тутуп, салдылар дерде,
Гитди акыл-хушум, ятдым шол ерде,
«Аршда, фершде не бар, гөргүл!» дийдилер.

–
Ел болдум, йүгүрдим ериң дамарна,
Назарым токунды Аршың кемерне,
«Җебрут әлеминде Җелил сырына —
Гелип, өзүң гарап гөргүл!» дийдилер.

–
Нәге хыял этсем, эле гетирдим,
Кайда баксам, оңа назар етирдим,
Бу хал иле мен парахат ятырдым,
Йүзүме түйкүрип: «Тур, гул!» дийдилер,

–
Ресулулла айды: «Эсхаплар, йөрүң,
Огланы узадың, бир пата бериң, —
Буюрды төрт атла, — элтип табшырың,
Гетирген җайыңда гойгул!» дийдилер.

 –

Туруп, Магтымгулы гөзүн ачыпдыр,

Серине не көйлер гелип гечипдир,

Хыра нер дек ак көпүклер сачыпдыр*,

«Оглан, алла ярың, баргыл!» дийдилер. 

*	«Эерик нер дек ак көпуклер сачыпдыр», «Мест инер дек ак көпуклер сачыпдыр» диен вариантлары хем бар.